13.02.2015 күні №41 ЖББОМ-де қазақ тілі мен әдебиеті пәнінің мұғалімдері Тусупбекова Жанерке Рымбекқызы мен Сейтжанова Толғанай Ғазизқызының ұйымдастыруымен ақын М.Мақатаев шығармашылығына арналған «Мұқағали – мәңгілік ғұмыр» атты жас ақындар және мәнерлеп оқу шеберлері байқауы өтті. М.Мақатаевтың туған күнін атап өту, жас ұрпақты әдебиетті, поэзияны сүюге баулу, өскелең ұрпаққа қазақ әдебиетінің озық туындыларын насихаттау мақсатында ұйымдастырылған бұл байқауға 5-11 сынып оқушылары қатысты,  байқау екі номинация бойынша өткізіледі.

І номинация«Поэзия, менімен егіз бе едің?» деп аталды. Яғни, ақиық ақын Мұқағалм Мақатаевтың құндылығы жоғары шығармаларын жатқа әрі мәнерлеп оқу сайысы.  Бұл сайыста ақын өлеңдерін мәнерлеп оқумен көзге түскен  6 "А" сынып оқушысы Ойратова Сабина ІІІ орынды, 8 «А»  сынып оқушысы  Мағзұм Алмаз ІІ орынды иеленсе, 6 "А" сынып оқушысы Жунисова Зарина І орынға ие болды.

         Жас талапкерлердің дарындылығын даралау, шығармашылық шабытын ұштау және келісті теңеу мен көркем ойды негізге алған эстетикалық талапқа сай жыр ұсыну мақсатында байқаудың ІІ  номинация «Ақын болсаң, жарқыным, алысқа аттан» деп аталды. Өлең атты өр өнерге құлаш ұрған жас ақындар  шығармашылығының сайысында өнер көрсеткен 10 «Ә» сынып оқушысы Төреғалиева Зарина ІІІ орын, 11 «Ә» сынып оқушысы Мейрам Диана ІІ орын, ал 6 «А» сынып оқушысы Асқаров Диас І орынды иеленді.