9.11.2014 күні №41 ЖББОМ-де қазақ тілі мен әдебиеті пәнінің мұғалімдері Тусупбекова Жанерке Рымбекқызы мен Сейтжанова Толғанай Ғазизқызының ұйымдастыруымен «Үш бәйтеректің» 120 жылдық мерейтойына арналған «Жарты жаңқам қалғанша...» атты жас ақындар және мәнерлеп оқу шеберлері байқауы өтті. «Үш бәйтеректің» шығармашылығына арналған бұл байқауға 5-10 сынып оқушылары қатысты,  байқау екі номинация бойынша өткізіледі. І номинация аумалы-төкпелі заманда өмір сүрген С.Сейфуллин, І.Жансүгіров, Б.Майлиннің шығармаларын жатқа әрі мәнерлеп оқу сайысы. Бұл сайыста ақын өлеңдерін мәнерлеп оқумен көзге түскен  6 "А" сынып оқушысы Таджимуратова Мадинахан  ІІІ орынды, 10 «Б»  сынып оқушысы  Исбаева Анеля ІІ орынды иеленсе, 9 "Ә" сынып оқушысы Кунанбаева Райхан І орынға ие болды.

         Жас талапкерлердің дарындылығын даралау, шығармашылық шабытын ұштау және келісті теңеу мен көркем ойды негізге алған эстетикалық талапқа сай жыр ұсыну мақсатында байқаудың ІІ  номинациясы жас ақындар сайысы. Өлең атты өр өнерге құлаш ұрған жас ақындар  шығармашылығының сайысында өнер көрсеткен

6 «А» сынып оқушысы Изатуллаева Ботагөз ІІІ орын, 6 «А» сынып оқушысы Асқаров Диас ІІ орын, ал 9 «А» сынып оқушысы Нұрманова Маржан І орынды иеленді.