№41 жалпы білім беретін орта мектебінде 15.04 - 8.05.14 аралығында "Жас мұғалім - 2014" мектепішілік байқауы өтті. Осы байқауға 16 жас маман мына пәндер бойынша (математика, физика, ағылшын, география, химия, информатика, бастауыш және шағын орталығынан тәрбиешілер) қатысты.

Байқаудың негізгі мақсаты: дарынды жас мұғалімдерді анықтау және олардың кәсіптік шеберлігін арттыру;

Жас мұғалімдерді шығармашылыққа, жаңашылдыққа итермелеу және ынталандыру;

Жас мұғалімнің заман ағымына сәйкес болуын қадағалау.

Байқау төрт кезеңнен тұрды: ашық сабақ, портфолио, дауыс беру және өнер көрсету. Қорытынды бойынша жеңімпаз информатика пәнінің мұғалімі Тиштыкова Айжан анықталды. Байқауға қатысушылардың барлығы алғыс хатпен марапатталды. Жеңімпазбен жүлдегерлерді және қатысушыларды құттықтаймыз! Денсаулық және шығармашылық табыс тілейміз!