Қазақстан Республикасы денсаулық сақтау саласын дамытудың 2011-2015 жылдарға арналған «Саламатты Қазақстан» мемлекеттік бағдарламасына сәйкес, 2014 жылдың 1-10 сәуір аралығында мектеп оқушыларының тамақтануын ұйымдастыруды жетілдіру жөнінде  «Дұрыс тамақтану - үздік білім арқауы» ұранымен он күндік өткізілді.Осыған орай, қалалық білім бөлімінің нұсқауымен №41 жалпы білім беретін орта мектептің 1 «А» сыныбында 2-сәуір 2014 жылы «Дұрыс тамақтану-үздік білім арқауы!» атты тәрбие сағаты өткізілді. Тәрбие сағатының мақсаты оқушылардың жақсы денсаулығының жан-жақты дамуының тиімді және үйлесімді тамақтану болып саналатынын, «Салауатты өмір салтының» анықтамасын мектеп дәрігерімен бірлесе отырып тұжырымдау болды.

     Оқушылар  тамақтану сауаттылығының бес негізін, тамақтану тәртібін, тамақтану мәдениеті туралы  презентация көрсетіліп, дәрумендердің пайдасы мен адам ағзасына зиянды тағам түрлерімен танысты. Сынып сағатында  оқушылар белсене қатысып, өздеріне керекті  ақпарат алды. Сынып сағатында жұмбақ шешіліп, көрініс көрсетілді.