07.12.2022ж. АР14870260 «Білім беруді цифрландыру жағдайында бастауыш сынып оқушыларының функционалдық сауаттылығын дамыту» жобасы аясында академик Е.А.Бөкетов атындағы Қарағанды университетінің педагогикалық факультетінде «Білім беруді цифрландыру жағдайында бастауыш сынып оқушыларының функционалдық сауаттылығын дамытудың теориялық, практикалық мәселелері» тақырыбында семинар өткізілді. Семинарға Қарағанды қаласының «№66 мектеп-лицейі» КММ, «Ахмет Байтұрсынұлы атындағы мектеп-гимназиясы» КММ, «Әлімхан Ермеков атындағы мектеп-лицейі» КММ ұстаздары және «Қарағанды облысында білім беруді дамытудың оқу-әдістемелік орталығының» мамандары қатысты.
Семинар білім беруді цифрландыру жағдайында бастауыш сынып оқушыларының функционалдық сауаттылығын дамыту мәселесі бойынша Қарағанды қаласы жалпы білім беретін мектептерінің бастауыш сынып мұғалімдері мен Е.А.Бөкетов атындағы Қарағанды университеті оқытушыларының ынтымақтастықта жұмыс жасау мазмұнын талдауға бағытталған.
Семинар барысында TIMSS, PIRLSS Халықаралық салыстырмалы зерттеулеріне шолу жасалып, бастауыш сынып оқушыларының функционалдық сауаттылығын дамытудың теориялық аспектілері; функционалды сауаттылық бойынша шетелдік тәжірибе мәселелері талқыланды; бастауыш мектеп білім алушыларының функционалдық сауаттылығын дамытуға арналған практикалық тапсырмалар үлгілері қарастырылды.
Семинар соңында алдағы уақытта атқарылатын бірлескен жұмыс жоспары талқыланып, қорытынды шығарылды. Мектебімізден бастауыш сынып мұғалімдері Бейсенбиева Н.О, Какенова Д.М, Муханмедина Ж.Т қатысып қайтты.