Бүгін 9- ақпан қазақтың қара өлеңін кие тұтқан, жүрегінің түбінен қайнап шықан асыл жырларымен қалың жұртшылықтың махаббатына бөленген, қазақ поэзиясының Хантәңірі- Мұқағали Мақатаевтың туған күні. Ақынның туған күніне арналып және гуманитарлық пәндер бірлестігінің онкүндігі аясында "Жырлайды жүрек" атты әдеби-сазды поэзия кеші өтті. Поэзия кешіне 1-10 сынып аралығындағы ақынның поэзиясын сүйіп оқитын оқушылар мен мұғалімдер қатысты. Поэзия кешінде ақынның өлеңіне жазылған әндер де шырқалды. Бүгінгі поэзия кешінде Мұқағали ақын әкелген әрбір сөз жүректерге ән болып, әуен болып жетіп жатты. Мектебіміздің оқушылары өскелең ұрпақ ақын мұрасын, маржан поэзиясын нақышына келтіріп оқып, жүрекпен сезініп қадірледі. Поэзия кешіне қатысқан барлық оқушыларға, үлес қосқан әріптестерге ризашылығымызды білдіреміз.