Қазақ ертеден «Жетім көрсең, жебей жүр», деп жетімін жылатпаған халық. Ал соның ішінде қамкөңіл мүгедек балалар қазіргі қоғамда ең өзекті мәселелердің бірі болып отырғаны ешкімге жасырын емес. «Мейірімділік жолында» онкүндігі аясында Қарағанды облысының балаларға арналған арнаулы әлеуметтік қызметтер көрсету орталығына мектебіміздің ата-аналары мен мұғалімдері қолдау көрсетті. Тамшыдай болса да, көмек көрсетуді сынып жетекшілер мен ата-аналар, оқушылар өздеріне парыз санап, адамгершілік биігінде болды. Кез-келген бала, соның ішінде мүгедек бала да қоғам мен адамның көмегіне, қамқорлық пен махаббатқа құқығы бар. Осындай көмек көрсетіп, мейірім таныту , тек онкүндіктің аясында ғана емес, үнемі жүргізіледі. Қарағанды облысының балаларға арналған арнаулы әлеуметтік қызметтер көрсету орталығының ұжымына еңбектерінде шыдамдылық, сабырлық тілейміз!