2013 жылдың  29-30 наурызында  академик Е.А.Бөкетов атындағы Қарағанды мемлекеттік университеті әлеуметтік жұмыс және әлеуметтік педагогика  факультетінің базасында «Қазақстан Республикасының жаңа заман қоғамындағы «Өзін-өзі тану» бағдарламасын рухани-адамгершіліктің парадигмасы ретінде іске асырудың өзекті мәселелері» республикалық ғылыми-практикалық конференциясы өтті.
Ұйымдастырушылар: академик Е.А.Бөкетов атындағы Қарағанды мемлекеттік университеті, Қарағанды облысы балалардың құқықтарын қорғау департаменті, Қарағанды облысы білім басқармасы. Дөңгелек  үстел жұмысына ЖББОМ №41 ден  мектеп  директоры Ж.С. Баймолдина  және  тәрбие  орынбасары А.Ашамай қатысты. «Бөбек» ҰҒПББСО өкілдері және конференция қатысушылары (Қарағанды облысы білім беру мекемелерінің басшылары, өзін-өзі тану педагогтар) екі күн ішінде адамгершілік-рухани білім бойынша маңызды баяндамаларымен сөз сойледі. Адамгершілік-рухани білім мәселелеріне теориялық және практикалық тұрғыдан  қарау мұғалімдерге, тәрбиешілерге, жоғары білім беретін, колледж мекемелерінің оқытушыларына арналған жинақта өз көрінісін тапты. Үш секциянының және мастер-класстардың табысты жұмысы конференция қатысушыларына  «Өзін-өзі тану» пәніне жаңа призма арқылы қарауға мүмкіндік берді. Ж.С. Баймолдина  мен А.Ашамай дөңгелек  үстелден алған әсерлерін мектеп ұстаздарына “Өзін – өзі тану пәні – рухани тәрбие көзі” семинарымен жеткізді.