20.03.2013 күні ЖББОМ №41- де  тоғызқұмалақ ойынынан сайыс өтті. Оны үйірме жетекшісі Ахметов Т. өткізді.  Оған  мектептегі  тоғызқұмалақ, шахмат үйірмелеріне қатысып жүрген оқушылар қатысты. Бұл сайыс наурыз мерекесіне орай  өткізілді. Себебі, Тоғызқұмалақ - қазақ халқының ықылым заманнан бері келе жатқан, әлемдік мәдениеттің кез келген үлгілерімен бой теңестіре алатын ұлттық ойыны. Соңғы деректерге қарағанда, оның шығу тарихы 4 мың жылдық кезеңді қамтиды. Ал кейбір мамандардың айтуынша, оның пайда болған кезі бұдан да көп уақыт болуы әбден мүмкін.  Бұл ойын қазақ халқының бағзы замандарынан бастап, сақтар, ғұндар, көктүріктерден қазіргі күнге дейін жалғасып келе жатқан ұрпақтар үндестігінің заттай көрінісі, озық рухани мұрасы.