«Тегінде адам баласы адам баласынан ақыл, білім, ар, мінез деген қасиеттерімен озады» деген Абай. Ұлы ақын сөзі еш уақытта өз мәнін жойған емес. Озық ойлы білімдар адамдар заманның дамуына өз үлесін қосады. Дарынды, жас талапты жастар – бүгінгі егеменді еліміздің жарқын болашағы. Елбасымыз Н.Ә.Назарбаев: «Бізге керегі – шын дарындар. Нарық қол-аяғымызды қалай қыспасын мемлекет өзінің талантты ұлдары мен қыздарын,  тарланбоз жүйріктерін қолдауға, қорғауға міндетті»,- деп еліміздің болашағы жастарға үлкен мән берген. Осындай оқушылардың   бірі  Байгонысқызы Дамели № 41 орта  мектептің  1  сыныбында  оқиды. Өте  сүйкімді, ашық  мінезді, дарынды Дамели облыстық «Зерек  оқушы» сайысының жеңімпазы, облыстық «Мисс мода» сайысының  «Маленькая  принцесса»  мақтау  грамотасымен марапатталған, Ресейдің балаларға  арналған  сурет сайысының «Краски  детства» дипломымен  марапатталған. Оның  ата- анасы  баласының  дарынды  болып  дамуына  бар   үлесін   қосуда. Байгонысқызы Дамели-  Қазақстан  Республикасының  «Дарынды  балалар- Қазақстанның  болашағы»энциклопедиясына енген.