Ахмет Байтұрсынұлы атындағы № 41 мектеп – гимназиясында «Адалдық дүкені» акциясы өтті

Мектепте сенім атмосферасын құру және оқушыларға өзін жақсы, адал адам ретінде анықтауға мүмкіндік беру мақсатында мектеп асханасында «Адалдық дүкені» ұйымдастырылды. "Дүкеннің" басты ерекшелігі — онда сатушының болмауы және сатып алушыларға қандай да бір бақылаудың болмауы. Мұнда сатылымда шырындар, пісірілген өнімдер, дәптер, қалам қойылды. Тауарды сатып алушы ақшасын арнайы жәшікке салып кетеді. Дүкенге қойылған тауарды сатып алу немесе тегін алып кетуді оқушылардың ар-ожданы біледі! Барлық жауапкершілік осы акция адалдығына есептелген оқушылардың өзіне жүктеледі.

Мұндай жобаның ашылуы жастардың кез келген сыбайлас жемқорлық көріністеріне мүлдем төзбеушілігін қалыптастыруға ықпал етеді және балаларды адалдыққа, парасаттылыққа үйретеді.