Қараша айының  16-17 күні Астана қаласында «Ғұмырдария» шығармашылық орталығының ұйымдастыруымен Мұқағали Мақатаевтың өлеңдеріне жазылған әндерден және ақынның өлеңдерін оқудан «Жырлайды жүрек» атты ХІ  Республикалық ән-би байқауы өтті.

Байқаудың мақсаты:

• ақиық ақынның жыр-әндерін болашақ ұрпақтың жүрегіне жеткізе отырып дарынды жастар тәрбиелеу;
• ел болашағы саналатын жастарға қолдау жасап, шығармашылық деңгейлерін көтеру;
• жас ақын балалардың шығармашылығын дамыту, өлең оқудағы шеберлігін шыңдау.
• би өнерін дамыту;

Осы мақсатта мектебімізден 5-сынып оқушысы Асхатұлы Нұрислам мен 6-сынып оқушысы Абекова Альмира қатысып қайтты. Көркем сөз жанры бойынша Альмира орта топ арасында өз бағын сынап, жүлделі 1-орынды иеленді. Асхатұлы Нұрислам кіші топ арасында «Эстрадалық  вокал» жанрына   қатысып, қанжығасына 3-орынды байлады.  Жетекшілік еткен ұстаздар, Умирбаева Оксана Дюсембаевна  мен Сатыбалдина Лаззат Сериковна,  алғысхатпен марапатталды.

Жеңімпаздар мен жетекшілерін жеңістерімен құттықтаймыз!