Қаламыздағы №41 жалпы білім беретін орта мектебінде химия ғылымдарының кандидаты, доцент,  ҚР білім беру ісінің үздігі, «Ерен еңбегі үшін» медалінің және Ы.Алтынсарин төсбелгісінің иегері,  ғалым-ұстаз Қабылкәрім Ахметкәрімұлының сексен жасқа толған мерейтойына орай «Мәңгілік нұрдың қызметшісі» атты дөңгелек үстел өтті. Бұл дөңгелек үстелдің  мақсаты - өскелең ұрпақтың дара қабілеттеріне, кәсіби біліміне сай қоғамда орнын табуға бағыттау. Аталмыш шараға техника ғылымдарының кандидаты С.С Қонтаев., ҚарМУ-дың педагогика ғылымдарының кандидаты, доцент, жаратылыстану ғылымдарының академиясының мүшесі Ә.С.Кенеш., химия ғылымдарының кандидаты К.М.Қадырберлина тәрбие және тұлғаны әлеуметтендіру кафедрасының аға оқытушысы Ғ.Ғ.Смағулова, №41 ЖББОМ-нің ардагер ұстазы Б.С.Жакенова, Ы.Алтынсарин төсбелгісінің иегері,ардагер ұстаз Б.Б.Кистафина, Н.Нұрмақов атындағы облыстық мамандандырылған мектеп-интернат директоры С.А. Сұлтанов қатысты.

Дөңгелек үстелде Елбасының «Бес әлеуметтік бастамасының» өзектілігі бүгінгі жас, елдің келешегі мектеп оқушыларымен жаратылыстану ғалымдары арасында тағы да талқыға түсті. Қатысушы қонақтар бастаманың мән-мағынасына тоқталып, бес бастаманың іске асуы ел экономикасының өсіп, ұлттың әл-ауқатының артуына түрткі болатынын айтты. «Бес әлеуметтік бастамасының» ішінде «Үшінші бастамасы – жоғары білімнің қолжетімділігі мен сапасын арттыру» атты Үндеуіне  ерекше тоқталды. Шара барысында мектеп бітіруші түлектерге  кәсіби мамандық таңдауда шынайы, үлкен жауапкершілікпен қараулары қажет екендігі, сонда ғана болашақта елге қажетті мамандар болып шығатындығын айтып, кеңестер берілді.