«Кітап – алтын сандық», «Кітап – білім бұлағы, білім - өмір шырағы» деген даналарымыздың сөздері бекекр айтылмаса керек. Өйткені адамзат тарихының өзі кітап. Адам баласы жабырқаған сәтте де жанына медетті осы кітап беттерінен іздейді емес пе? Ал бүгінгі заманауи озық технология заманында өсіп келетін жас ұрпақтың кітап қасиетіне үңіле бермейтіні жасырын емес. Елбасы Н.Ә.Назарбаев «ХХІ ғасыр – мәдениеттің, ғылым мен білімнің ғасыры. Бар білімнің қайнар көзі - кітапта» деген болатын. Осы орайда жастардың кітап оқуға деген қызығушылықтарын арттыру, оның рухани құндылықтарын ұғындыру және тілдік қорын дамыту мақсатында қаңтар айының 8 – ші жұлдызы күні  1 «Ә» сынып мұғалімі Мәнен Гүлбереке сыныбымен бірге қаламыздағы Абай атындағы облыстық балалар кітапханасына саяхатқа барды. Саяхат барысында оқушылар кітапхананың ішімен толық танысып шықты. Кітапхана қызметкерлері оқушылармен қызықты әрі тартымды әңгімелер өткізді. Оқушылар кітапханаға саяхаттан көтеріңкі көңіл күймен әсерлі сезіммен тарасты. Осындай игі шаралар әр сыныпта өтіп жатса, нұр үстіне нұр болар еді.