28 қазан күні мектебімізде 27 жасында өмірден озған, аққан жұлдыздай ерте сөнген ақиық ақын Сұлтанмахмұт Торайғыровтың туғанына 120 жыл толуына орай еске алу кеші өткізілді.

Кешке 5,6,7,8 сынып оқушылары мен мұғалімдер қатысты. Кеш ұйымдастырушысы қазақ тілі мен әдебиеті пәнінің мұғалімі Р.Ә. Төремұратова көрермендерге ақынның өмірі мен шығармашылығы жайлы видеокөрініс көрсетіп, «Аңыз адам» журналы негізінде тың деректер айтып берді.

Балалар ақын өлеңдерін жатқа оқыды. Мұғалімдер Атамбаева А.К.,Қыдырманова С.Қ.,Мекеева Ж.С.,Телембетова Н.Т., Сұлтанмахмұт Торайғыровтың «Қамар сұлу» романынан, «Кедей» поэмасынан үзінділер оқыды. Кеш өте тартымды өтті.