20.11.2017 жылы «Балалар істің басында» акциясы аясында өзін-өзі басқару күні өткізілді. 8-9 сынып оқушыларына өздерін мұғалім ролін сомдауға мүмкіндік берілді.Осыған байланысты оқушылар арасынан: мектеп директоры, директордың ОІЖ орынбасары, директордың ТЖ орынбасары, математика, орыс тілі, ағылшын тілі, қазақ тілі, география, дене шынықтыру және сурет мұғалімдері таңдалып алынды. Әр таңдалған оқушыға сабақ өткізуге көмекші ретінде тағы бір оқушы тағайындалды. Сонымен қатар, әр таңдалған оқушы мен көмекшісін бақылауда ұстау үшін тікелей пән мұғалімдері сабаққа қатысып отырды.Сабақты өткізу үшін алдын ала пән мұғалімдері мен оқушылар қосылып сабақ барысын және жұмыс жоспарынойластырды. Атап айта кететін болсақ күніміз жалпы таңертеңгілік сапқа тұрудан басталды,  сапқа тұрғызу рәсімі 9 сынып оқушыларына берілді. Содан кейін оқушылар сабақ берулерін бастады. Жұмыс күні біткен соң оқушылар мен олардың көмекшілері директордың қабылдауында болып, күннің қалай өткендігі туралы қорытынды есеп берді. Оқушылардың айтуынша, бұл күн оларға көптеген жағымды эмоциялармен қоса мұғалімнің орынында болу мүмкіндігінің қандай жауапты іс екенін мойындауды түсіндірді. Балалар іс-шараға өте мұқият қарап, өздеріне көп тәжірибе жинады.