2016 жылдың 2 қараша күні  №51 негізгі орта мектептің бастауыш сынып мұғалімдерінің  «әдістемелік бірлестігінің отырысы болды.  Отырыста бірінші мәселе бойынша әр мұғалім бірінші тоқсанның қорытындысы бойынша есеп берді. Екінші мәселе бойынша Мырзалиева Гүлжамал Сапарханқызы «Қабілеті жоғары оқушылармен жұмыс түрлері» атты баяндама оқып, сол оқушылармен қандай жұмыс жасап жатқанын көрсетті. Дәл осы мәселеде Маканова Алия Жумабековна «Үлгерімі төмен оқушылармен қалай жұмыс жасадым?» атты баяндама оқыды. Баяндамалар презентация арқылы  жеткізіліп отырылды. Жаңартылған бағдарлама бойынша 1 сынып оқушыларының мектепке бейімделуі жайлы Хасенханова Гүлден Сагаткаримовна айтып өтті. Отырысқа мектептің оқу ісінің меңгерушісі Нұрмағанбетова Торғын Амангельдиевна қатысып, өз ұсыныс, талаптарын айтты.