Көктемгі демалыс кезінде № 51 НОМ кітапханасында қазақша мақал-мәтелдерді білу бойынша айтыс ұйымдастырылып өткізілді. Төртінші сынып оқушылары екі топқа бөлініп өз жетекшілерін таңдады. Қатысушылардың басты мақсаты, ол, жүргізуші оқыған  мақалдың екінші жартысын тауып айту. Негізгі тапсырманы орындаған соң, балаларға қосымша ұсыныстар берілді: Қазақстан халықтарының мағынасы ұйқас мақал-мәтелдерін білсе айту. Екі топ та қызу пікірталастан кейін тапсырмаларын дұрыс орындап, дұрыс және тез жауап беріп оытрды. Аз ғана айырмашылықпен 4 А топ оқушылары жеңіске жетті. Ойын аяқталған соң, балаларға тәтті шай мен бауырсақ ұсынылды.