2016 жылдың 22 ақпан күні Қарағанды қаласының № 51 негізгі орта мектебі «Өрлеу» БАҰО» АҚ филиалы Қарағанды облысы бойынша ПҚ БАИ бірлесе отырып, «Тиімді тыңдалым мен айтылым дағдыларын дамыту әдістері» аудандық әдістемелік семинарын өткізді.

                Семинар модераторы – «Өрлеу» БАҰО» АҚФ Қарағанды облысы бойынша ПҚ БАИ аға оқытушысы Абзалбек Л.С. семинардың мақсат, міндеттерін айқындап, елімізде орын алып жатқан білім беру саласындағы өзгерістер туралы ақпарат беріп өтті.

                № 51 мектептің қазақ тілі мен әдебиеті пәні мұғалімі Мухамеджанова Г.С. «Қазақ тілі сабақтарындағы оқушылардың тыңдалым мен айтылым әрекеттерін жүзеге асыру әдістері» тақырыбында баяндама жасап, өз іс-тәжірибесімен бөлісті. «Табиғат байлығы» тақырыбындағы қазақ тілі мен география пәні ықпалдасқан сабақта пән мұғалімдері  Нұрмағамбетова Т.А., Шералиева С.Е. тыңдалым, айтылым дағдыларын дамыту жолдарын тәжірибеде көрсетті.

                Семинар соңындағы рефлексия кезеңінде мұғалімдер аталған ақпараттың маңыздылығын айта отырып, ұйымдастырушылар мен іс-тәжірибе бөліскен әріптестерге алғыстарын білдірді.