Қазақ халқының ең бір ардақты ұлы Абай Құнанбаев - ұлы ақын, композитор, аудармашы, философ һәм қоғам қайраткері, халқының қамы үшін қан жұтып, жан жарасы сыздаган ойшыл ақын. Абай поэзиясы ой мен  сезім әлемін еркін жетелеп, қазақтың тарихи тынысын да, ғаламдық болмыстың тынысын да кең ашқан. Ақын жырының өткірлігі, қазақ даласында алмас қылыштан асып түскен. Абай ақын жанкешті, құдіретті суреткер, және де сол жанкештілігі ақынның өз тағдырына да, әлем тағдырына да ерекше нұр түсірді.

«Қалың елім, қазағым, қайран жұртым,

Ұстарасыз аузыңа түсті ау мұртың...» - деп келген Абай поэзиясы сиқыр үн мен құпия сырға тұнып тұрған, жан тебіренісі, қайыспас жанкештілігі және ішкі бостандығы адам баласының басына түскен әділетсіздікке қарсы, үят пен намысқа толы үнi жаңғырып тұрған, туған халқының ардагер азаматы.

Осы ағымдағы жылда қазақ халқы сол ардақты да ұлы Aбай Құнанбаевтың 170-жылдық мерейтойын атап өтіп жатыр. Қарағанды қаласының «Молодежный» мәдениет үйі 2015 жылғы 30 қыркүйек күні, Қазақ хандығының 550-жылдығы аясында, Абай Құнанбаевтың 170-жылдық мерейтойына арналған «Ке,л балалар, оқылық!» атты мәнерлеп оқу сайысын ұйымдастырып өткізді. Біздің мектебіміздің бірқатар оқушылары да бұл іс-шарадан тыс қалмай, барынша өнерлерін көрсетті.

Сайысқа қатысқан оқушылардың өнерін сыңға салған қазылар алқасының шешімі бойынша, 4Ә сынып оқушысы Қартай Ділназ, 4Б сынып оқушысы Казанцев Станислав, 9 сынып оқушылары Саликов Асылхан мен Минко Арина алғыс хаттарымен марапатталды. Ал жүздің ішінен жүйріктер қатарынан көрінген 4Ә сынып оқушысы Тойболдина Кербез, үздік өнер көрсеткені үшін ІІІ дәрежелі дипломмен мараптталды.

Осы оқушылармен жұмыс жүргізіп, оқушыларының жетістіктеріне разы болған мұғалімдері Нурмагамбетова Торгын Амангельдиевна мен Отарбаева Дана Сагындыковна да құралақан қалмай, сайысқа белсене қатысқаны үшін алғыс хаттарымен марапатталды.

Сөз соңында оқушыларымызға айтарымыз, мектебіміздің мақтанышы болып жүре беріңдер! Жарайсыңдар!