2015 жылғы 30 сәуірде № 51 негізгі орта мектебінде «5 сыныпқа еш қиындықсыз» тақырыбнда 4-сынып оқушыларының ата-аналары жиналысы өтті.

Бастауыш мектептен орта мектепке көшу– бала өміріндегі өзгерісті сәт, себебі жаңа өмір салтына, өмір сүрудің жаңа жағдайларына, қоғамдағы жаңа орынға, үлкен адамдармен, кұрдастарымен, мұғалімдермен жаңаша қарым қатынас құруға  бейімделу кезеңі болып табылады. Бұл кезең оқушы өміріндегі қызықты да күрделі кезең. Бұл кезең балаға қандай көңіл –күй кештіретіні, қуаныш па, ренші пе, оның барлығы негізгі мектептің  мұғалімдеріне, оның ішінде әсіресе сынып жетекшісіне байланысты. Сондықтан, бесінші сынып оқушыларына педагогикалық-психологиялық көмек көрсету өте қажетті. Осы жағдайға мектеп психологы Т.Ю. Степанова аса үлкен назар аударуды өтінді.

Бесінші сынып – оқушы үшін қиын және жауапкершілігі мол кезең . директордың ОЖ орынбасары Г.М. Кузгибекова 5 сынып оқушыларының әлеуметтік және білімдік мінездемелеріне тоқтала кетті. Оқу және әлеуметтік жағдай бесінші сынып оқушысына бастауыш сыныппен салыстырғанда жоғары сапалы оқу талаптарын қояды. Бұл кезеңде ойдағыдай бейімделу, оқушының ары қарайғы мектеп өміріне маңызды әсер келтіреді.