19.01.-25.01 аралығындағы бастауыш әдістемелік бірлестігінің апталығы болып өтті.

Апталықтың тақырыбы: Ұстаз болу - өз уақытын аямау, өзгенің бақытын аялау.

Мақсаты:Оқу үрдісінде жаңа технологияларды тиімді пайдалана отырып, іс-тәжірибе алмасу.

Апталықтың ашылуы  өте жоғарғы деңгейде өтті.  Оқушылардың шығармашылық жұмыстары, суреттері, дәптерлері, еңбектері қойылған көрме ұйымдастырылды.  Әр сыныптан оқушылар оқу, білім, кітап, ұстаз жайлы  өлеңдер оқып, ән айтылды.   Әр сыныптың ұстаздары оқушыларға сәттілік тілеп, әрқашанда сабақты жақсы оқуға, алдан көріне беруге тілек білдірді.  Мектептің директоры Досымбетова У.Г мен оқу ісінің меңгерушісі Күзгібекова Г.М. оқу, білім, тәртіп жайлы сөз сөйлеп,балаларға тілек айтты.  Апталықтың  екінші күні 4 «Ә» сыныбында Жакина Б.А. қазақ тілі  сабағынан «Зат есімнің септелуі. Барыс септігі»тақырыбында ашық сабақ өткізді.Сабақ оқушылардың ойлауының практикалық әрекетін,  байқампаздығын және    шығармашылығын дамыту  мақсатында өткізілді. Сабақтың құрылымы талапқа сай,  теориялық деңгейі жақсы. Оқушылардың қызығушылығы, белсенділігі жақсы.  Ал сәрсенбі күні 1 «Ә» сыныбында Мырзалиева Г.С «Мың алғыс саған, Әліппем!» атты ертеңгілік өткізді.    Қатысқан қонақтар да,    ата-аналар да риза болып,  алғыстарын айтып тарасты.   Ертеңгілікке қатысқан мектебіміздің директоры Досымбетова У.Г   мен директорының оқу ісінің меңгерушісі Күзгібекова Г.М   1 сынып оқушыларына   үлкен азамат болып, еліміздің елеулісі, халқымыздың қалаулысы болуына тілектерін білдірді. Ата-аналар да мектеп ұжымына, сынып мұғаліміне де алғыстарын айтты.        Бейсенбі күні 3 «Ә» сыныбында  Хасенханова Г.С.  дүниетану  сабағынан  «Өсімдіктердің  топталып өсуі» тақырыбында ашық сабақ өткізді.  Сабақ жаңа технология бойынша талапқа сай құрылып  өткізілді.. Оқушылардың жан-жақты жұмыс жасап, білім алуына жағдай жасалды. Үйге берілген тапсырма оқушылардың шығармашылықпен жұмыс жасауына ықпал жасады. Үй тапсырмасынан жаңа тақырыпқа үйлесімді өтті. Баяндаудың теориялық деңгейі, ғылымилығы, жүйелілігі, сабақтастығы, түсініктілігі, тақырыпты аша білуі, пәнаралық байланыс жоғарғы деңгейде болды. 4 «Ә» сыныбында «Дені саудың-жаны сау» атты сынып сағаты өтті.Сынып сағаты оқушылар үшін берері мол, пайдалы, оқушыларды салауатты өмір сүруге жетелейді.   Сынып сағатында темекінің зияны, наркотик, арақ сияқты атаулардың қандай зияны бар екенін оқушылар мұғалімнің арқасында толық талдай отырып, слайдтан талай мағлұмат алды. Өздерінің дайындаған «Темекінің зияны» атты көріністі көрермендерге қойып берді. Сынып сағаты зиянды заттар мен денсаулыққа пайдалы  заттарды айыра білуге тәрбиелейді.  Жұма күні Хасенханова Г.С  «Кітап-білім бұлағы» атты 3 сыныпта ашық тәрбие сағатын өткізді.  Сынып сағаты оқушылардың кітапқа деген  қызығушылығын арттыру, саналы түрде кітап оқуға баулу,білімділікке тәрбиелеу мақсатында өтті. Сынып сағатында кітаптың шығу тарихы, кітапханалар жайлы, кітапханада өзін ұстау,т.б айтылды. Әртүрлі жұмбақ шешу, өлеңдер оқу, өлеңнің, мәтіннің үзіндісі арқылы авторын табу, жалғастыру, сурет бойынша ертегілердің атын табу, суретшінің қатесін табу, сияқты  тапсырмаларды орындай отырып, Т. Дәуренбековтың «Кітаптар мұңы» әңгімесі бойынша  көрініс қойды. Соңында мектеп кітапханашысы Михайлова Е.М өзінің алғысын айтып, тілегін білдірді.   Оқушылардың сынып сағатынан алған әсерлері мол болды.

Апта соңында «Сабақ үрдісінде педагогикалық технологияны тиімді пайдалану» атты семинар сабақ болды.  Бірлестік мүшесі Жакина Б.А биылғы оқу жылының басында оқып келген үшайлық  оқуының нәтижесінде үйренген  коучинг бойынша өткізді. Апталық уақытында Маканова А. «Өзін-өзі тану» сабағынан «Обал мен сауап» тақырыбында ашық сабақ жүргізді. Маканова А.Ж курстан оқып, біліп келгенін сол сабақта көрсете білді. Сабақ өте жүйелі құрылған. Апталық барысында мұғалімдер өз істеріне жауапкершілікпен қарап, шығармашылықпен, іздене отырып, жаңа технология элементтерін сабақтарында тиімді пайдаланып, шеберлікпен көрсете білді. Апталық өте  жақсы дәрежеде өтті.