Мен, Маканова Алия Жумабековна 2014-2015 оқу жылының 9 қазан күні Кембридж бағдарламасы бойынша қазақ тілі пәні бойынша «Дауыссыз к мен г» тақырыбында  топқа бөлу арқылы  сабақ өткіздім.

    Сабақта дауыссыз к мен г туралы түсінік беріп, жаттығулар орындатып,оқушылардың  сауатын, білімін дамыту, топпен жұмыс жасай білуге және ұқыптылыққа тәрбиелеу мақсатымен өткізген едім.

   Ең алдымен оқушыларды сабақтың мақсатымен таныстырып, сабағымыздың айырықша өтетіні туралы айтып өттім. Оқушыларды топқа бөлу үшін мен ең алдымен үш түрлі стекерларды қолданып,қорап ішіне жасырулы стекерларды оқушыларға алғыза отырып үщ топқа бөліп отырғызып алдым.

     Осылайша топтарға бөлініп, топ ішінен топ басшысын анықтау үшін әр топқа бір сұрақ қойып, ең бірінші жауап берген оқушыны топ басшысы етіп сайладық. 

  Мағынаны ажырату барысында әр топқа бірнеше сөзжұмбақ түріндегі к және г әріптерінің тиістісін қою тапсырылған болатын. Оқушылар  бұл тапсырманы топпен бірлесе отырып орындау керек болатын.

   Әр топ тапсырманы дұрыс орындап, әр топ басшылары шығып дұрыс жауаптарын оқып берді.

           Әрдайым оқушыларды қолдарынан келгенді жасағаны үшін мақтауға тырысып отырдым.

   Тақырып бойынша материалды пысықтау үшін әр топқа ережелер таратылған болатын, олар сол ережелерді естеріне түсіріп, жұмыс дәптерімен орындалатын тапсырмаларға дайн болды.

   Кітаппен жұмыс істеу үшін мынадай тапсырма берілген болатын,

1-тапсырма. Сөздерді і дыбысын қосып өзгертіп жазу.

Өрік – өрігі, белдік – белдігі деген сияқты тапсырмалар болатын еді.

2-тапсырма. Берілген сөздерді қатыстырып сөйлем құрау.

3-тапсырма. Көп нүктенің орнына к, г әріптерінің тиістісін қойып жаз. К дыбысының г дыбысына өзгеру себебін дәлелде.

  Деңгейлік тапсырмаларды орындау барысында дауыссыз дыбыстарды ажырату үшін кеспе әріптерді бөліп,  бірінші топ -  ұяң, екінші топ - үнді, үшінші топ- қатаң дауыссыз дыбыстарды анықтау керек болатын.

    Оларға аздап сенім білдіріп, шабыт беріп едім, сонда олар тапсырманы өз беттерімен аяқтай алды.