«№51 НОМ»  3 сыныптарда  І тоқсанның соңы есте қаларлықтай қызықты аяқталды. Оған себеп сол сыныпта өткен «Алтын күз. Күз -береке, күз- мереке» мерекесі еді. Мереке әрі  оқушылардың күз тарауы бойынша алған білімдерін қорытындылау, пысықтау, әрі оқушылардың ой-өрісін, қиялын, есте сақтау дағдысын дамыту, күз мезгілінің қадір-қасиетін, жеміс-жидектер мен, көкөніс, дәнді дақылдардың пайдасын білуге тәрбиелеу мақсатында өтті. Сынып оқушылары алдымен күз айларының ерекшеліктері, олардың неге «алтын күз», неге «қоңыр күз», неге «күрең күз» деп аталатындығына тоқтала кетті. Күз мезгілінің сұлулығы, күздегі адамның  ұшан қиыр еңбегінің нәтижесі, күзгі өнімдердің аттары, пайдасы, т.б жайлы өлең жолдарымен айтылып өтті. «Күз» келіп, қонақтар мен оқушыларды мерекемен құттықтады, жеміс-жидектер, көкөністер, ұннан жасалған нан, тоқаш т.б, бидай, тарыдан жасалған жент таратты.  Оқуда, еңбекте табыс тіледі. Екінші бөлімінде оқушылар «Жеміс-жидектер», «Көкөністер», «Дәнді дақылдар» болып үшке бөлініп жарыс ұйымдастырылды. Бірінші олар өздерін таныстырудан бастады. «Күздің» тапсырмаларын орындап,  жұмбақ шешу, мақал-мәтел айту жарыстары жүргізілді. Шашылған буындардан сөздер құрастыру (І топ-банан, қарақат, ІІ-топ- қызылша, сәбіз, ІІІ-топ- тары, жүгері), әр топқа берілген сөздер (қарақұмық, орамжапырақ, таңқурай) әріптерінен сөздер тобын құрастыру сияқты жарыс түрлері де қызықты болды. Әр топ көріністер, өз өнерлерін көрсетті. Үй тапсырмасы ретінде дайындап келген тамақтары-салаттар, ұн тағамдары, шырын, т.б- жайлы түсінік берді. Ойын ойнап жарысты. Олар: «Қаптың ішіндегі не? Пішінінен таны», «Дәмімнен ажырат, мен немін?» «Күзгі шашылған жапырақтарды түріне қарай (үйеңкі, қайың, емен, шетен) топта» сияқты ойындар оқушылардың да, қатысып отырған қонақтар мен ата-аналардың көңілінен шықты.  Соңында әр оқушы өздері дайындап келген жеміс-жидектер мен, көкөніс, дәнді дақылдардың пайдасы жайлы мағлұматтар беріп кетті.  Мереке осы сынып оқушысы Картай Дильназдың орындауындағы «Күзгі қайың» әнімен аяқталды. Сөйтіп, 3 сыныпта өткен «Алтын күз. Күз -береке, күз- мереке»  атты мерекесі барлығының көңілінен шығып, оқушылар да, ата-аналар да сынып жетекшісі Хасенханова Г.С алғыстарының шексіз екенін білдіріп жатты. Қорытынды ретінде мектеп директоры Досымбетова Уразгул Гаппаровнаға сөз берілді. Мектеп директоры Досымбетова Уразгул Гаппаровна оқушыларға алғысын айтып, келешекте де осындай мерекелерге үнемі ат салысып жүрулерін тапсырды. Сабақты өте жақсы оқып, еліміздің белді де, белгілі бір азаматтары болуын, т.б тіледі. Балаларына жанкүйер болып келіп отырған ата-аналарға да, сынып жетекшісіне де өз кезегінде тілегін жеткізді. Ата-аналар да мектеп директорына, сынып жетекшісіне өз тілектерін білдіріп, ризашылықтарын айтып жеткізді.