2014 жылғы 26  қыркүйек күні, «Молодежный» мәдениет сарайында, қазақтың ғұлама ақын-жазушылары, елі десе жаны елжіреген, халқы үшін жанын берген, елінің аты өшпес тұлғалары Сәкен Сейфуллин, Бейімбет Майлин, Жүсіпбек Аймауытовтардың мерейтойларына арналған «Халқына қақа жарылған қайран жүрек» атты байқауы өткізілді.

Аталмыш байқауға, өз мектебінің намысын қорғап, ұлты орыс болған мен, туған елінің мемлекеттік тілін меңгеруге тырмысып жүрген, 9 сынып оқушысы Куликова Анжелика қатысты. Анжелика Сәкес Сейфуллиннің «Аққудың айырылуы» жүрекжарды поэмасынан үзінді оқыды. Байқауға қатысқан барлық қатысушылар қазылар алқасының сыңынан сүрінбей өтіп, жүлделі орындар мен марапттарға ие болды. Оның ішінде біздің Анжеликамыз да құр қол қалмады. Сахналық образына, әуенді-көркем сүйемелдеуі үшін ерекше оң баға алды. Сонымен қатар, аталған байқауға белсене қатысқаны үшін «Молодежный» МС атынан Алғыс хатпен мараптаталды.

Анжеликаға алғысымызды білдіріп, бұдан әрі де жетістіктері көбее берсін, оқуын жақсы оқып, ата-анасының мақтанышы, мектебінің үлгілі оқушысы болсын дейміз.

Ал байқауды ұйымдастырған «Молодежный» МС әкімшілігіне осындай іс-шараларды жиі өткізе берсін дегіміз келеді.

26.09.2014ж.

Жетекшісі Отарбаева Д.С.