Ежелгі заманнан қалыптасқан жыл бастау «Наурыз» мейрамын барлық жандар шат шадыман болып, өкпе реніштерін ұмытып, наурыз көже пісіріп, төс қағыстырып жатады. 19 наурыз «№51 НОМ» КММ бастауыш қазақ сыныптарының оқушыларының қатысуымен  «Армысыз, әз Наурыз!» атты  мереке болып өтті. Мереке қазақ халқының ежелден сақталып, атадан балаға мұра етіп қалдырған салт-дәстүрін, наурыз мейрамының мәнін түсіндіру, әрі дамыту және көркейту,оқушылардың ойлауын дамыта отыра, ой қиялын, өрісін, іздену негіздерін дамыту, оқушыларды ұлтжандылыққа, имандылыққа, инабаттылыққа, халқымыздың салт-дәстүрін қастерлеуге, сақтауға тәрбиелеу мақсатында өткізілді. Мектеп сахнасы халқымыздың қол өнерінен шыққан туындылармен, көктемнің белгісі бәйшешек суреттерімен көркемделіп безендірілген.

          Іс-шара жүргізуші оқушылардың сөзімен басталды. Содан кейін мектеп директоры Досымбетова У.Г құттықтау сөзін айтып, өз тілегін білдірді. Тілек мектептің ата-аналарының «шашу»  шашу салтымен жалғасын тапты. Шара ата-анасы көрші ауылға кеткен баланың достарын «Бастаңғыға» шақыруымен өрби берді. «Бастаңғыға» келген балалар бос отырмай ән айтып, би билеп өз өнерлерін көрсетті. Ойын ойнап, ұтылған балалар да өлең оқып, ән айтып, би билеп жүргізушінің талабын орындады. Ата-аналар балаларға әртүрлі салт-дәстүрлер көрсетіп, мағлұматтар берді. Бүлдіршін оқушылар ән айтып, би билеуде ғана емес, өздерінің өнерлерін әртүрлі көріністерді сахналауда да байқатты. Тойдан қайтқан әке –шешесімен келген Қыдыр атаның батасымен мереке соңына да келіп жетті. Оқушылардың өнерлерін тамашалаған ата-аналар мектеп әкімшілігіне, бастауыш сынып мұғалімдеріне ризашылығын білдіріп, тілектерін айтып жатты.