8 наурыз Халықаралық әйелдер күні қарсаныңда 2014 жылдың 6 наурызында 1 «Ә» сыныбында «Көктем арулары- 2014»  атты қыз  сыны өтті.

   Бұл шара қыздарды халқымыздың ізгі қасиеттері: имандылық, инабаттылық, ізеттілік, ісмерлік т.б. негізінде тәрбиелеу  және  әр қыз баланы парасатты, жан – жақты білімді болуға, әсемдік, сұлулық әлемін түсінуге,    Табиғат сыйлаған қасиеттерінің ашылуына көмектесу мақсатында өткізілген болатын.

Мұғалім:

Көгінде күлімдеп күн шығып,

Қуанған көктесе бір шыбық.

Ананың тілегі – келешек,

Ананың тілегі – тіршілік  деп аналарды, апа-әжелерді, ұстаздар қауымын құттықтап  мерекені осы өлең  шумақтарымен бастады.

   Одан кейінгі  құттықтау сөз мектеп директоры Оразгүл Гаппарқызына берілді. Оразгүл Гаппарқызы мерекемен құттықтап, өзінің жылы лебізін білдірді.

  Мерекеге  мектеп әкімшілігі, ата-аналар, апа-әжелер, мектеп оқушылары  көрермен ретінде шақырылған болатын.

   Іс-шара мақсатына сай сыныптан 2 ұл бала жүргізуші болып, қалған ұл балалар аналарына, апа-әжелеріне, ұстаздарға және қыздарға өздерінің құттықтау тілектерін  өлең шумақтарымен, әндерімен, билерімен жеткізді.

    Яғни, әр бөлімнен соң 4ұл бала «Сенің анаң алтын» әнің орындаса, 2 ұл бала «Қызыл гүлім-ай»  және 4 ұл әдемі билерімен құттықтауларын жеткізді.

Ұл балалар мен аналармен арасында  «Анама гүл» атты ойын ойналып, ұлдар өзщ аналарына мерекелік гүл сыйлады.

   Ал қыздар болса сайланған қазылар алқасының алдында сайыс шарттары бойынша сынға түсті, яғни  сайстың бірінші бөлімі – «Сәлемдесу» қыздар  әдемі сәлемдесіп және өздерін таныстырды, екінші –«Өз өнері» қыздардың біреулері әнмен таң қалдырса, екіншілері билерімен қазылар алқасын баурап алды, үшінші – «Үй тапсырмасы» бұл бөлімде сайыскерлеріміз үйде дайындап әкелген бұымдарымен таныстырды және ең соңғы « Сән үлгісінде»  қазіргі заманға сай тігілген сән үлгісімен тігілген киім үлгілерімен сахна төрін баурап алып,  сыналып, қазылар алқасының шешімімен номенация бойынша дипломдармен марапатталды.

   Шараға шақырылған қонақтар көтеріңкі көңіл-күймен тарқады.