Апталықта  сыныптар арасында мынандай іс-шаралар өткізілді. Бірінші күні бастауыш сынып мұғалімдері жайлы көрсетілім болды. Мектеп мұғалімдері ӘБ әр мұғалімінің бітірген оқуы, санаты, өзіндік тақырыбы, жетістіктері т.б. жайлы слайд арқылы тамашалады. Апталықтың ашылуы да өте жоғарғы деңгейде өтті.  Оқушылардың шығармашылық жұмыстары, суреттері, дәптерлері, еңбектері қойылған көрме ұйымдастырылды.  Әр сыныптан оқушылар оқу, білім, кітап, ұстаз жайлы өлеңдер оқып, ән айтылды.   Әр сыныптың ұстаздары оқушыларға сәттілік тілеп, әрқашанда сабақты жақсы оқуға, алдан көріне беруге тілек білдірді.  Мектептің оқу ісінің меңгерушісі Күзгібекова Г.М. оқу, білім, тәртіп жайлы сөз сөйлеп,балаларға тілек айтты. 2 «Ә» сыныбында  Хасенханова Г.С.  математика  сабағынан  «Көпбұрыштың периметрі» тақырыбында ашық сабақ өткізді.  Сабақ жаңа технология бойынша талапқа сай құрылып өткізілді. «Қаршақыз бен жеті ергежейлі»  ертегісінің кейіпкерлеріне көмектесе отырып, оқушылар тапсырмаларды қызыға орындады. Оқушылардың жан-жақты жұмыс жасап, білім алуына жағдай жасалды. Үйге берілген тапсырма оқушылардың шығармашылықпен жұмыс жасауына ықпал жасады. Үй тапсырмасынан жаңа тақырыпқа үйлесімді өтті. Баяндаудың теориялық деңгейі, ғылымилығы, жүйелілігі, сабақтастығы, түсініктілігі, тақырыпты аша білуі, пәнаралық байланыс жоғарғы деңгейде болды. 3 «Ә» сыныбында Жакина Б.А. қазақ тілі  сабағынан «Сөз мағынасы. Түбір мен қосымша» тақырыбында ашық сабақ өткізді. Сабақ оқушылардың ойлауының практикалық әрекетін, байқампаздығын және шығармашылығын дамыту  мақсатында өткізілді. Сабақтың құрылымы талапқа сай, теориялық деңгейі жақсы. Оқушылардың қызығушылығы, белсенділігі жақсы. Ал 1 «Ә» сыныбында Мақанова А.Ж «Мың алғыс саған, Әліппем!» атты ертеңгілік өткізді. Қатысқан қонақтар да, ата-аналар да риза болып, алғыстарын айтып тарасты.  2 «Ә» сыныбында «Табиғат аясында» тақырыбында сынып сағаты сайыс түрінде қызықты өтті. «Қанатты достар» мен «көңілді хайуанаттар» арасындағы білім сайысы тартымды болды.         Ал «3» сыныбында «Біз болашақ үшін...» атты сынып сағаты өтті. Сынып сағаты оқушылар үшін берері мол, пайдалы, оқушыларды салауатты өмір сүруге жетелейді.  Зиянды заттар мен денсаулыққа пайдалы заттарды айыра білуге тәрбиелейді.  Апта соңында «Сабақ үрдісінде жаңа технологияны тиімді пайдалану» атты семинар сабақ болды. Мектебіміздің даярлық тобының мұғалімі Мырзалиева Г. С. баяндама жасап,  сынып мұғалімдері жарыс сөзге шықты.

Қорытынды:

Апталық барысында мұғалімдер өз істеріне жауапкершілікпен қарап, шығармашылықпен, іздене отырып, жаңа технология элементтерін сабақтарында тиімді пайдаланып, шеберлікпен көрсете білді. Апталық өте  жақсы дәрежеде өтті.