Тәуелсіздік мерекесіне орай республикамыздың әр түкпірінде мерекелік іс-шаралар , концерттік бағдарламалар өткізіліп жатыр. Біздің  мектепте де мерекелік апталық аясында әр түрлі тәрбие сағаттары, байқаулар, сайыстар өтті. Солардың бірі – 5-9 сынып оқушылары арасында  ұйымдастырылған  «Мемлекеттік рәміздер – ұлт мақтанышы» атты  сайыс. Бұл сайыстың мақсаты – оқушылардың мемлекеттік рәміздерді құрметтеуіне, қадір тұтуына, сүюге баулу. Сонымен қатар, рәміздер туралы мәліметтерді және әнұранды жатқа  білулеріне бағытталған сайыс  болды. Байқау  үш кезеңнен тұрды. 1-кезең – викторина. Бұл кезең бойынша әр сыныптан шыққан бір оқушыға мемлекеттік  рәміздерге  байланысты 5 сұрақтан қойылды. Әр сұраққа бір ұпайдан саналып отырды. 2-кезең -  әнұранның  сөзін жатқа  айту. Әр сыныптан үш оқушы шығып, әділқазы  алқасы  айтқан әнұранның кез келген шумағы мен қайырмасын жатқа айтты. Ал 3-кезең бойынша  әр сынып әнұранды шырқауға арналды. Әр кезеңге  де  барлық сыныптар асқан жауапкершілікпен дайындалыпты. Сайыс соңында  әділқазылар алқасы қорытындысын шығарды.  Үш кезеңнің қорытындысы бойынша 1- орынды 7-сынып, 2-орын – 8 сынып, 3-орын – 9-сынып өз қанжығаларына  байлады.   Ал 6 және 5 сыныптарға алғыс хат ұсынылды.

Қорыта айтсақ, мемлекеттік рәміздерді жатқа біліп, оларды құрметтеу әрбір азаматтың  міндеті. Оқушылардың  бойында  осындай  патриоттық рух қалыптастыру – біздің міндетіміз.