15 сәуірде жаратылыстану-ғылыми сауаттылық апталығы аясында 9-сыныпта "Жаратылыстану ғылымдары патшалығында"зияткерлік ойыны өтті. Аталған іс-шараның мақсаты: жаратылыстану-ғылыми цикл пәндеріне қызығушылықты қалыптастыру және дамыту, танымдық іс-әрекетті жандандыру, оқушылардың ой-өрісін кеңейту. Іс-шара барысында оқушылар физика, химия, биология, география және экология пәндері бойынша сұрақтарға белсенді жауап берді. Сұрақтар мен тапсырмалар сыни ойлау мен функционалдық сауаттылықты дамытуға ықпал етті. Мұндай іс-шаралар оқушыларға ғылыми және техникалық идеяларға жол табуға, алған білімдерінен практикалық пайдасын нығайтуға көмектеседі.