2019 жылдың қараша айының 16 күні НЗМ тәжірибесін тарату мақсатында «Ұлы дала мұрагерлері» инновациялық, кең ауқымды Форум шеңберінде ашық шаралар ұйымдастырылды. Форумға қатысуға мектеп оқушыларының ата-аналары, педагогикалық еңбек ардагерлері шақырылды. Форум қатысушыларды тіркеуден басталды. Мектебіміздің қабырғасында іске асырылып жатқан «Буккроссинг», «100 кітап», «Сөйле» жобаларының таныстырылымдары өтті. «Аквагрим», «Фитоняшка», «Сабын жасау» бойынша «Ата-ана жұмысындағы 10 күн» әлеуметтік тәжірибелерді асыру негізінде шеберлік сыныптар өтті. STEAM орталығының: гидропоника, автомоделдеу, авиамоделдеу лабораторияларының жұмыстары ұсынылды. Мектеп мұғалімдерінің әдістемелік жұмыстарының, АртСтудияның, ҚҚӨ студиясының, Этноауылдың көрмелері өтті. «Жаңартылған білім мазмұны дегеніміз не?», «Критериалды бағалау білім берудегі басты фактор» коучинг-сессиялары, үйірмелердің ашық сабақтары өткізілді. Соңында «Қаражорға» флешмобы ұйымдастырылды. Форумға қатысушылардың (ата-аналар, педагогикалық еңбек ардагерлері) анкеталарына сүйенсек, Форум жоғары деңгейде атқарылды.