Баланың мектепте оқыған кезінде біз (балалар, мұғалімдер және ата-аналар) үшбұрышты құраймыз. Үшбұрыштың ұшында, әрине - бала. Оның басты мақсаты жаңаны біле отыра, өзін өзі тану. Ал, ересектердің міндеті – бұл оңай емес жолда қолдау көрсету.

Үшаяқты орындықтың бір аяғы сынып қалса, онымен не болады? Құлайды!

Ал, И.А. Крыловтың «Аққу, шортан һәм шаян» мысалында не жазылған?: «Жолдастардың арасында түсінушілік болмаса, олардың істері өрге аспайды, керісінше істен іс емес, тек қана азап туындайды».

Бұдан қорытынды: баланың «екінші үйі» - мектепте жақсы өмір сүру үшін біз күштерімізді біріктіруіміз қажет.

Баланың мектепішілік өмірінде ата-ананың қатысуында зор мән бар, ол балаға да, мұғалімдерге де, ата-аналардың өздеріне де қажет.

2019 жылдың қараша айының 08 күні 5 «А» сынып жетекшісі Темірғалиева Жанар Қайратқызы «Отбасындағы және мектептегі тәрбие» атты ата-аналар жиналысын өткізді. Жиналыс тренинг түрінде ұйымдастырылды.

Ата-аналар жиналысының басты мақсаты: баланың өнегелі нанымын қалыптастыруда ата-аналардың адамгершілік қағидалары, ұстаздық шеберлігі, отбасының дәстүрлері қажет екендігін түсіндіру; өнегелі тәрбие берудегі мәселелерді анықтау, шешу жолдарын ұсыну.