№ 36 ЖББОМ «Жыр Жалын» поэзия әлемі жобасы аясында білім беру ұйымдарындағы аға тәлімгерлерге арналған Қасым Аманжоловтың 110 жылдық мерейтойына орай «Руханият» бағытында «Қасым әлемі: поэзия, тұлға, тарих» тақырыбында семинар өтті. Өзінің батыл ойлы, шыншыл да терең сырлы, дауылды поэзиясымен әр буын оқырмандары сүйіспеншілігіне ие болып, жас таланттарға өте күшті әсер етіп келе жатқан біртуар дарын Қасым Аманжоловтың өмір жолы мен шығармашылығы дәріптелді. Семинарға «Қасым» әдеби-қоғамдық жураналының редакторы, Қазақстан жазушылар Одағының Қарағанды облыстық филиалының басшысы Серік Сағынтайұлы қатысты. Қасым өңірінен шыққан қаламгерлер Әлжан Мөлдір ақынның кіндік қаны тамған жер туралы тың деректер айтса, Ерік Нарын әдемі жырларымен тәнті етті. Жас суретші Ерсін Манарбекұлы өз шығармашылығы, бейнелеу өнері туралы ақпараттар бере келе, ҚасымАманжоловқа арналған челленджге қатысуға шақырды. Іс-шараға қосымша білім беру педагогі Қазкен Жанболат, Қамқоршылық кеңестіғ төрағасы Зинат Камалиқызы, Қ.Аманжолов атындағы музыка мектебінің домбырашысы қатысты. «Жас ұлан», «Жас қыран» ұйымдарының жеткіншектері ақынның өмірдеректерінен сыр шертті. Қарағанды облысында білім беруді дамытудың оқу-әдістемелік орталығының әдіскері Аңсаған Алпысбаевна шараның модераторы семинарға қатысушылармен кері байланыс орнатып отырды. Мектептің өлеңге әуес жас ақындары өз жыр шумақтарын оқыды.