2012  жылы 5 қыркүйекте «Назарбаев университетінде» он-лайн  режимінде  өткен Қазақстан Республикасының  Президенті  Н.Ә.Назарбаевтың лекциясын №36  орта  мектептің  мұғалімдер   ұжымынан 64 мұғалім, 120  оқушы  тыңдады.

Танымдық – ағартушылық  жаңа «Білім»  арнасында  берілген   Елбасымыздың  дәрісі  қазақстандық  білім  салалары мен  ұйымдарына жаңа  серпіліс пен тың  бетбұрыс берері  анық. Білекке  сенер  заманның өтіп ,  білімге сенер заманның  келгеніне  баса назар аударған  Н.Ә.Назарбаев білім беру  ошақтарында инновациялық  өзгерістер мен ақпаратты – электронды жүйені  одан әрі  дамытудың  қажеттілігіне тоқталды. Білім  беру  жүйесін  жаңа  әлеуметтік  ортаға  бейімдеу, барлық  салаларын  одан әрі  дамыту, 12 жылдық білім беру  жүйесіне көшуге дайындық жұмыстарын жандандыруға баса көңіл бөлді. Болашақ мамандар мен Қазақстанның элитасын дайындауда «Назарбаев университетінің»  алатын орны мен маңызына тоқталып, өскелең ұрпақтың тәуелсіз еліміздің  дамуына қосатын үлесі зор екендігі айтылды.                  

              Осы мақсатта ағылшын тілін ерте мектеп жасынан меңгеру, «Болашақ» бағдарламасының тиімділігін арттыру, Қазақстан халқының  денсаулығы мен әл-ауқатын нығайту, спортты дамыту мәселелері де назардан тыс қалмады. Елбасының Қазақстанның болашағы білім мен еңбекке байланысты деген ұстанымы да барлық білім  беру ұйымдарында өз орнын табуда.

№36 жалпы білім беретін орта  мектеп  ұжымы да жаңа серпілістермен оқу жылын бастады. Кембридж университеті  басшылығымен  қазақстандық орта мектептерге даярланған ерте жастан ағылшын тілін үйренуге арналған оқулықтар негізінде  1-ші  сыныптан ағылшын тілін оқыту қолға алынды. Өскелең  ұрпақтың денсаулығын нығайтып бос уақытын дұрыс  ұйымдастыру барысында  қосымша білім беру  ресурстық  орталық (домбыра, қобыз, сурет, би) жұмыс жасайды. Спортты дамыту мақсатында биылғы оқу  жылында мектебімізде  қыздардың  ұлттық волейбол командасын даярлайтын спорттық сынып ашылды. Спорт үйірмелері мен шахмат, тоғызқұмалақ секцияларына оқушылар көптеп тартылуда.

Білім берудің  дамуы еліміздің  болашақ экономикалық, саяси және әлеуметтік – мәдени өркендеуі  сүйенетін тұғырнамасы  болуы  тиіс. Осынау маңызды міндеттерді іскерлікпен жүзеге асыру -  барша білім ұйымдарының міндеті.

Мектеп директоры                 С.О.Жунусова