13 ақпан күні №36 жалпы білім беретін орта мектебінде өтетін «Дара жол» бағдарламасына Қарағанды мемлекеттік университетінің филология ғылымдарының кандидаты, доцент, айтыскер Жұмағұлов Айтбай Ботбайұлы шақырылды.
Жұмағұлов Айтбай Ботбайұлы оқушыларға өмірі мен еңбек жолы және қазақ ұлт руханиятының жанашыр тұлғалардың ерен ісі жайлы да айтып берді. Оқушылар кейіпкерге қатысты сұрақтарына толымды жауаптар алды. Көрермендер ұлтын, жұртын жан жүрегімен сүйіп, халқына қалтқысыз еңбек еткен тұлғаның ұлтжандылық мінезіне, сөз шеберлігіне, қайраткерлігіне, адал еңбегіне тәнті болды. 9-сынып оқушылары Балғын мен Мадияр ақынның «Ата-ана туралы», «Қазақтың осы күні хәлі қалай» өлеңдерін жатқа оқыды. Сонымен қатар, Далабаев Ернұр Айтбай Жұмағұловқа «Дара жол» бағдарламасының атынан жыр арнауын арнады. Қатысқан оқушылар дара жолы дараланып тұратын ерекше жан - айтыскер ақынның ақыл кеңесін, өсиетке толы сөздерін тыңдап, өнегеге толы өмірінен рухани азық алды. Жүректерге жылылық ұялатқан кездесу Ұлы Абайдың сазды әуенімен өрілді.
Туған өлкесінде өзіндік орны бар тұлғаның дара жолы келер ұрпақтың көзін ашып, жарқын болашаққа бастайтыны сөзсіз!
Өмірде әркімнің өз жолы бар, ал оны дара ету - өз қолдарыңызда!