«Осы әлемді бізге қорғауға қалдырған» тақырыбында ардагерлермен кездесу, «Ерлік ешқашан ұмытылмайды» тақырыбында сынып сағаттары, «Отан үшін отқа түс, күймейсің» тақырыбында интеллектуалды ойын, «Қазақстанның болашағы- дені сау, салауатты болашақ» тақырыбында спорттық жарыстар, «Сол жылдарға бас иеміз» тақырыбында концерттік бағдарлама ұйымдастырылып, шағын ауданда тұратын ардагерлер шақырылып, сый құрмет көрсетілді. Бастауыш сынып оқушылары арасында «Күн сәулелі суреттер» тақырыбында Жеңіс күніне арналған балалардың сурет байқауы ұйымдастырылып, 45 оқушы қамтылды.8 сынып оқушыларының қатысуымен облыстық өлкетану мұражайына саяхат ұйымдастырылды. «Соғыссыз- бейбітшілік ұрпақ» тақырыбында қабырға газеттері мен көрме ұйымдастырылып, оқушылардың үздік жұмыстары анықталды.