18 желтоқсан күні №36 жалпы білім беретін орта мектебінде «Рухани жаңғыру және жыраулар поэзиясы» атты қазақ тілі мен әдебиетінен қалалық семинарда 9 «Ә» сынып оқушыларымен «Ұлы даланың ұлы тұлғасы Бұқар жырау Қалқаманұлы» тақырыбында танымдық сабақ өтті. Танымдық сабақ қазақ елі мен туған әдебиетімізге еңбегі сіңген ұлы тұлға Бұқар жыраудың өнегелі өмір жолын, шығармашылық қырын, ерен еңбегін, ұлттық құндылықтарға қатысты көзқарастарын зерделеуге арналды. Оқушылар ұлы тұлғаның асыл мұралары өмір бойғы рухани азық екендігіне көз жеткізді. Ел бірлігін ту еткен жыраудың бейнесін ашты. Қазақ даласында өзіндік өшпес ізін қалдырған, аты аңызға айналған Бұқар жырау Қалқаманұлының толғауларын жатқа оқыды. Өз көздерімен көрген Далба тауының баурайында орналасқан Бұқар жыраудың кесенесі мен мұражайы жайлы алған әсерлерімен бөлісті.
Заркеева Думан Нуркешевна
қазақ тілі мен әдебиеті пәнінің мұғалімі