29.09.2016 ж Қарағанды қаласы Абай атындағы кітапханада өткен "Еңбек түбі-береке" атты іс-шараға мектебіміздің 5-6 сынып оқушылары мен кітапханашы Б.Бакирова  қатысты. Бұл шараны ұйымдастырудағы мақсат оқушылардың еңбек туралы  түсініктерін кеңейту, еңбектің адам өміріндегі маңыздылығын түсіндіру, еңбекке қызығушылықтарын арттыру және еңбексүйгіштікке тәрбиелеу. Аталмыш шарада балалар  «Әке мен бала» бейне ролигін  тамашалап, бейне көріністен көрген ойларын өзара  бөлісіп, еңбек туралы мақал-мәтелдердің жалғасын тауып сайысқа түсті. Сондай-ақ  әр түрлі мамандық иелерінің аты жазылған плакаттағы криптограмманы балалар шешті. Іс-шара соңында «Әлемнің әміршісі-еңбек» атты кітап  көрмесіне библографиялық шолу жасалды.