18 маусым "Арман" мектеп жанындағы лагерінде ертегіге арналды. Күн тақырыбы "Ертегіде қонақта". Лагерь тәрбиешілері "Әлем ертегілері" тақырыбында викториналар ұйымдастырды. Балалар үлкен қызығушылықпен сұрақтарға жауап беріп, жұмбақтар шешті, ертегі кейіпкерлерінің образына кіріп өнер көрсетті. Е.А.Бөкетов атындағы ҚарМУ жанындағы "Археология және этнография" мұражайына саяхат пайдалы, әрі қызықты болды. Саяхат жүргізуші балаларға Қазақстан тарихы, мәдениеті, қазақ халқының салт-дәстүрлері туралы көптеген ақпарат берді.
Қазақстан халқы Ассамблеясының 20 жылдығын тойлауға байланысты лагерьде ертегілер мерекесі ұйымдастырылды. Оған балалар белсене қатысты. Балалар әртістердің де, режиссерлердің де рөлінде болды. Балалар «Бауырсақ», «Тышқан мен мысық», «Красная шапочка», «Репка», «Заюшкина избушка» сияқты ертегілерді көрсетті. Мереке музыкалық флешмобпен аяқталды.
Contacts
