Бүгін "Арман" мектеп жанындағы лагерінің 13-күні "Жазғы калейдоскоп" тақырыбымен өтті. Таңертеңгі жаттығу балаларға позитивті көңіл-күй сыйлады. Лагерь тәрбиешілері ең үздік гүлшоғына байқау ұйымдастырды. Үздік жұмыстарды педагогтер және балалардың өздері анықтады. Балалар қолдан алуан түрлі гүлшоқтарын жасады, бірақ ішіндегі ең ерекшесі Ганжиев Мансур "Лего"-дан жасаған гүлшоғы болды. "Сары-Арқа" кинотеатрына барып, "Загадка пиратского острова" мультфилімін тамашалады. 2Д форматындағы анимациялық графика балаларға қатты ұнады. Мультфильм кейіпкерлері балаларға жақсылық, достық, адалдық, әділдік пен өзара көмек сияқты адамгершілік қасиеттерімен ұнады. Күн "Жазды суреттейміз" суреттер көрмесімен аяқталды.
Contacts
