"Көктемгі мейірімділік апталығы" акциясы шеңберінде мектебімізде келесі іс-шаралар ұйымдастырылды: апталықтың ашылуына орай 5-10 сынып оқушылары арасында "Мейірімді істер күні" ұранымен флешмоб (585 білім алушы қамтылды), "Жақсылық жасауға асығайық" жалпы мектептік сап жиыны (958 білім алушы), 1-4 сыныптар арасында "Мейірімді істер әлемі" тақырыбында сынып сағаты, 5-11 сыныптар арасында "Мейірімділік бар жер - тамаша" тақырыбында сынып сағаты (969 білім алушы қамтылды). 16 және 18 сәуір күндері "Көктемгі мейірімділік апталығы" акциясы шеңберінде "Таза аула" ұранымен мектеп аумағын абаттандыру бойынша сенбілік өтті. Мектеп педагогикалық ұжымы ҰОС Жеңістің 70 жылдығына орай тыл ардагерлерін мерейтойлық медальдермен марапаттауға белсенді ат салысты. Су тасқынынан зардап шеккендерге киім, тазалық құралдары, кеңсе тауарларын жинау ұйымдастырылды. Акция соңында барлық жиналған құралдар Қызыл Жарты ай Қоғамы арқылы зардап шеккендерге табысталды.
