Білім кілті - тіл» тақырыбына оқушылардың ғылыми-практикалық конференциясы. Наурыздың 5 күні «Білім кілті - тіл» тақырыбына оқушылардың ғылыми-практикалық конференциясы өтті. Конференцияда бес оқушы сөз сөйледі. 6 «А» сынып оқушысы Куликова Ольга «Мақал- мәтелдер – сөздің көркі», 8 сынып оқушысы Кан Лилия «Қозы Көрпеш – Баян сұлу дастаны», 9 «А» сынып оқушысы Мұратова Айсұлу «Абай – ұлы тұлға», 9 «Б» сынып оқушысы Мантель Оксана «Қанатты сөздердің түрлері», 11 «Б» сынып оқушысы Федорович Анастасия «Қазақ тілін зерттеген ғалымдар» тақырыбына баяндамалар жасады. Оқушылардың жасаған баяндамалары өте қызық, көңілге қонымды, әсерлі деректерге толы болды. Конференцияға мектеп әдістемелік бірлестік жетекшісі Базарбаева З.О. басшылық жасады.