Әлеуметтік сала -Елбасының Қазақстан халқына жолдауының негізгі дәстүрлі тақырыптарының бірі. Жыл сайын педагогтер және дәрігерлердің алдына үлкен міндеттер қойылады және қойылған міндеттерге аталған мамандардың жете білетінін атап өткен жөн. Нұрсұлтан Назарбаевтың айтуынша білім беру және денсаулық сақтау саласы қызметкерлерін еңбекақысында елеулі жоғарылау күтіп тұр. Қарағанды дәрігерлер мен мұғалімдері бұл жаңалықты өздерінің қиын да маңызды еңбегінің еленуі деп қабылдады.  

Бұл қарағандылық мектептегі бүгінгі сынып сағаты Елбасының Қазақстан халқына арналған жыл сайынғы жолдауына арналды. 

Екатерина Матияшина, 10 сынып оқушысы:
- Мен, ҚР Президентінің Жолдауын қызықты деп санаймын. Себебі, Қазақстанның болашағы бізге байланысты екенін білеміз және Елбасының бізден талап ететін тілектерін орындауымыз қажет. 

Қазақстанның білім саласында қаншалықты алға жылжығанын осы мектеп мысалынан көре аламыз. Бүгінде мұнда оқытуда инновациялық әдістер қолданылады, педагогтер халықаралық бағдарламалар бойынша машықтанудан өтеді. Оқушылар үшін қолайлы жағдайлар жасалуда, ең заманауи оқыту материалдары қазір қолжетімді. 

Алия Исаханова, мектеп директоры:
- Жолдау бізге әрі қарай қай бағытта жұмыс жасауды көрсетеді әрине. Біз дұрыс жолмен келе жатқанымызды растағымыз келеді. Еңбекақының жоғарылауы бізді өте қуантты, біз сапалы жұмыс жасауға тырысамыз.  

Жалпы алғанда, Қарағанды облысында барлық балалар мектептегі білім алумен қамтылған.  98% мектепке дейінгі жастағы балалар балабақшаға барады, 14 мектепке дейінгі мекеме салу жоспарланып отыр. Оқыту сапасы туралы Қарағанды облысы командаларының республикалық пән олимпиадалары нәтижелері бойынша үнемі алдыңғы шептен көрінуі дәлел бола алады.