Қазақстан Республикасы Оқу ағарту министрлігі ҚР Премьер-Министрінің (2023 жылғы 27 сәуірдегі№15-11/Б-272лп) тапсырмасына сәйкес мектептерде оқу-жаттығулар өткізу туралы ұсынысы бойынша 2023 жылғы 16 мамырда Қарағанды қаласының №16 ЖББМ КММ-нде табиғи және техногендік сипаттағы төтенше жағдайларда мектеп оқушыларын, педагогтарын және қызметшілерін эвакуациялау әрекеттері бойынша оқу-жаттығу өтті.
Оқу-жаттығу шеңберінде «Білім беру объектілерін терроризмге қарсы қорғауды ұйымдастыру жөніндегі Нұсқаулық» бойынша бекітілген алгоритмдер пысықталды (2022 жылғы 30 наурыздағы № 117).
Оқу-жаттығу аясында келесідей жұмыстар атқарылды:
- техникалық құралдардың (дабыл түймесі, турникеттер, бейнекамералар, дауыстық хабарлау) жұмыс істеуіне, сондай-ақ дабыл түймелері арқылы шақырылған жағдайда жеке күзет ұйымдарының жедел әрекет етуіне тексеріс жүргізілді.
- 2023 жылғы 16 мамырда сағат 08.00-де және 14.00-де мектеп саптық жиын өткізіліп, эвуакация бойынша Нұсқаулықтармен мектеп әкімшілігі таныстырды;
- бекітілген тақырыптар бойынша сынып сағаттары жүргізілді, сынып жетекшілері алгоритмдерге сәйкес нұсқаулықтармен оқушыларды таныстырып, нұсқаулыққа қолдарын қойды;
- мектеп персоналына, оның ішінде күзет ұйымдарына алгоритмдерге (іс-қимылдар мен міндеттерге) сәйкес нұсқама берілді;
- 2023 жылғы 16 мамырда 1-ауысым үшін сағат 10.30-да, 2-ауысым үшін сағат 17.40-та қызметкерлер мен оқушыларды эвакуациялау ұйымдастырылды;
- 2023 жылғы 16 мамырға арналған оқу-жаттығу жоспары құрылды, эвакуациялау уақыты анықталды, іс-шараларды өткізуге жауаптылар тағайындалды және мектеп бойынша бұйрық шығарылды.
Эвуакацияға 1300 оқушы, 96 мектеп педагогтары мен қызметшілері қатысты, Жалпы саптық жиналу уақыты – 1-ауысым үшін - 3 минут, 2-ауысым үшін – 1,55 минут құрады.