Экологиялық сауаттылық – экологиялық білімді игере отырып, табиғат қорларын тиімді пайдалануға жол ашу. Қазіргі таңда қоғамдық көзқарас тұрғысынан неғұрлым өзекті болып отырған экология проблемаларына назар аудару, мектептерде экологиялық білім беру, өскелең ұрпақты туған өлкенің экологиясына құрметпен қарауға тәрбиелеу қажеттігі туралы Қазақстан Президенті Қасым-Жомарт Тоқаев өз сөздерінде бірнеше рет атап өтті.
Алға қойылған міндеттің маңыздылығын түсіне отырып, біздің мектебімізге «ЭкоКомьюнити» қоғамдық бірлестігінің қызметкерлерін кездесуге шақырдық. Осы ұйымның ерікті қызметшісі Югай Сара мектеп оқушыларына «Экологиялық сауаттылық» тақырыбында презентациямен дәріс оқыды. Іс-шара барысында оқушылар көптеген сұрақтар қойып, бұл әлемде көтеріліп жатқан маңызды мәселелердің бірі екеніне көз жеткізді.