Мереке күні таңнан бастап тосын сыйларға толы болды. Мұғалімдерді мектеп әкімшілігіне айналған 11 сынып оқушылары мектеп табалдырығынан қарсы алып, мереке күніне арналған бағдарламаларды ұсынды. Мектеп шарлармен, құттықтау қағаздарымен безендірілген. 

Күн салтанатты саптан басталды: мұғалімдер 12 "А" және 12 "Ә" сыныптарына бөлініп, олардың сынып жетекшілері тағайындалды, сабақ кестелерімен таныстырылды. 

Екі 12 сыныпта да бірінші сабақ қазақ тілі болды. Ойын түрінде өткен сабақ барысында "оқушылар" "мұғалімдердің" сұрақтарына жауап беріп, ұпай жинады. Ең белсенділеріне күнделікке баға қойылды. 

Келесі сурет және музыка сабақтары өтті. Музыка сабағы "Угадай мелодию" викторинасы стилінде ұйымдастырылса, сурет сабағында мұғалімдер үйреншікті қызыл қаламдарын шетке қойып, түрлі түсті боялармен кемпірқосақ салуға кірісті. 

Музыка сабағы аяқталған соң мектеп оқушыларының өткізген флешмобы мұғалімдер үшін тосын сый болды!

Видеоны сілтеме бойынша өту арқылы көруге болады.