Қарағанды қаласының №16 ЖББМ КММ-нде Мамыр мерекесіне арналған іс-шара жоспарына сәйкес «Ерлік сабағы» ұйымдастырылды.
Аталған іс-шараға Қазақстан Республикасы ІІМ ардагері Каренов Қанат Саттарұлы, «Жас сұңқар» әскери-спорт клубының төрағасы, медицина ғылымдарының докторы, профессор Садықов Қанат Ибрагимұлы, Тәжік-ауған шекарасында жауынгерлік қимылдарының ардагерлері Мусалиманов Талғат Құсайынұлы және Құлжанбеков Шүкіржан Елубайұлы қатысты.
Ардагерлер оқушыларға жауынгерлік өмірдің қиын да күрделі, қауіпті де жауапты сәттерін, сондай-ақ, Отанға деген сүйіспеншілік пен Отан алдындағы борыш туралы қызықты әңгімелер айтып берді. Сонымен қатар, көптеген ашылмаған мұрағат хаттарына шолу жасап, олардың қазіргі күнде елге таныла бастағанын өз баяндамаларында арқау етті.
Іс-шара соңында қатысушылар ардагерлермен естелікке суретке түсіп, өздерінің ризашылықтарын білдірді.
Ерлік сабағын ұйымдастырушылар: директордың ТІЖ орынбасары С.С. Тусупбеков, алғашқы әскери дайындық пәні мұғалімі М.Ж. Оспанов.