2023 жылғы 20 сәуірде Қарағанды қаласының білім бөлімінің №16 ЖББМ КММ-нде «Өскелең ұрпаққа патриоттық тәрбие беру» тақырыбында конференция болып өтті.
Аталған іс-шараға Қазақстан Республикасы ІІМ ардагері, «Қарлығаштар қашан оралады» кітабының авторы Каренов Қанат Саттарұлы, «Жас сұңқар» әскери-спорт клубының төрағасы, медицина ғылымдарының докторы, профессор Садықов Қанат Ибрагимұлы, Тәжік-ауған шекарасында жауынгерлік қимылдарының ардагерлері Мусалиманов Талғат Құсайынұлы және Құлжанбеков Шүкіржан Елубайұлы қатысты.
Ардагерлер конференцияға қатысушыларға жауынгерлік өмірдің қиын да күрделі, қауіпті де жауапты сәттерін, сондай-ақ, Отанға деген сүйіспеншілік пен Отан алдындағы борыш туралы қызықты әңгімелер айтып берді. Сонымен қатар, көптеген ашылмаған мұрағат хаттарына шолу жасап, олардың қазіргі күнде елге таныла бастағанын өз баяндамаларында арқау етті.
Іс-шара соңында қатысушылар ардагерлермен естелікке суретке түсіп, өздерінің ризашылықтарын білдірді.
Конференцияны ұйымдастырушылар: алғашқы әскери дайындық пәні мұғалімі М.Ж. Оспанов, директордың ТІЖ орынбасары С.С. Тусупбеков.