«Қарағанды қаласының білім бөлімі» ММ «Инновациялық аймақтағы сабақ" фестивалі жоспарына сәйкес 2023 жылғы 05 сәуірде № 16 ЖББМ КММ қазақ тілі мен әдебиеті пәні мұғалімдері М.А. Жақсылықова, Т.Т. Сейтхожина, А.С. Тыржанова, А.Д. Сатжанова, Г.Ж. Ахметова Қарағанды қалалық, Майқұдық, Сұрыптау мектеп мұғалімдеріне ашық сабақтар өткізді.
«Тілдік білім беруді дамыту» бағдарламасы аясында пән мұғалімдерінің кәсіби, оқыту үрдісінде инновациялық оқыту технологияларын пайдалану және тәжірибе алмасу болды. Оқушыға білім, білік дағдыларын игертіп қана қоймай, қабылдауын, ойлауын, жан-жақты шығармашылдық таныту, өз бетімен жұмыс жасай білетін жеке тұлғаны дамыту үшін инновациялық әдістермен оқытудың ақпараттық технологияларын пайдаланудың маңызды екенін көрсете білді.
Ашық сабаққа қатысушы педагогтар сабақтың қорытындысы бойынша бір-бірімен ой бөлісіп, тәжірибе алмасып, сабақ өткізген пеагогтарға және мектеп ұжымына алғыстарын білдірді.
Қалалық білім бөлімінің әдіскері Қадыр Айгүл Еркінқызы ашық сабақтар жақсы деңгейде өтті деген қорытынды жасады.