2023 жылғы 31 наурызда облыстық білім басқармасы өткізген, облыстық жалпы ата-аналар жиналысына №16 ЖББМ КММ мектеп әкімшілігі, сынып жетекшілері және ата-аналары қатысты.
Күн тәртібінде келесідей мәселелер қаралды:
1. Бірінші сыныпқа қабылдау туралы
2. Қаңғыбас иттерді аулауды ұйымдастыру, зарарсыздандыру мәселелері туралы.
3. Қауіпсіз интернет. Ата-аналарға арналған кеңестер.
4. Балаңызды жоғалтып алмау үшін не істеу қажет. Баланың жеке басының мүддесі үшін отбасы мен мектептің серіктестігі туралы.
Жиналыста қаралған мәселелер қазақ және орыс тілдерінде түсінікті және тиянақты түрде мектеп ата-аналарына жеткізілді.
Жиналыс соңында мектеп директоры С.Д. Изтулеуова және мектеп директорының орынбасарлары ата-аналардың сұрақтарына жауап берді.
Сонымен қатар, Ата-аналарға 2023 жылғы 03-14 сәуір аралығында «Қауіпсіз терезелер» республикалық ақпараттық науқаны жүргізілетіні назарға жеткізілді. Осыған байланысты, науқан барысында оқушылардың жазатайым оқиғаларды, жарақаттарды болдырмау үшін қауіпсіз мінез-құлық мәдениетін қалыптастыруға бағытталған қауіпсіздік шараларын сақтау туралы нұсқаулықтармен таныстырды.